ಕೊರೊನಾ ಎರಡನೇ ಅಲೆಗೆ ಕೊನೆ ಎಂದು? ಮೂರನೇ ಅಲೆ ದಾಳಿ ಎಂದು?

ಪ್ರತಿದಿನ ನಟ ನಟಿಯರ ಸುಪರ್ ಕ್ಯೂಟ್ ಫೋಟೊ ಪಡೆಯಲು ಈಗಲೇ ಇಲ್ಲಿ ಕ್ಲಿಕ್ ಮಾಡಿ

og:image

ನವದೆಹಲಿ: ಭಾರತದಲ್ಲಿ ಕೋವಿಡ್ -19 ಸಾಂಕ್ರಾಮಿಕ ರೋಗದ ಎರಡನೇ ಅಲೆ ಈ ವರ್ಷದ ಜುಲೈ ವೇಳೆಗೆ ಇಳಿಮುಖವಾಗುವ ಸಾಧ್ಯತೆ ಇದೆ, ಆದರೆ ಮೂರನೇ ಅಲೆ ಸುಮಾರು ಆರರಿಂದ ಎಂಟು ತಿಂಗಳಲ್ಲಿ ದೇಶವನ್ನು ಕಾಡುವ ನಿರೀಕ್ಷೆಯಿದೆ ಎಂದು ಮೂರು ಸದಸ್ಯರ ವಿಜ್ಞಾನಿಗಳ ಸಮಿತಿಯು ತಿಳಿಸಿದೆ. ಭಾರತ ಸರ್ಕಾರದ ವಿಜ್ಞಾನ ಸಚಿವಾಲಯದ ಅಡಿಯಲ್ಲಿ  ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆಯಿಂದ ಈ ಮೂರು ವಿಜ್ನಾನಿಗಳ ಸಮಿತಿ ಸ್ಥಾಪಿಸಲ್ಪಟ್ಟಿದೆ.

ಮೂರನೇ ಅಲೆಯ ಬಗ್ಗೆ  ಮಾತನಾಡಿದ ಐಐಟಿ ಕಾನ್ಪುರದ ಪ್ರೊಫೆಸರ್ ಮನೀಂದ್ರ ಅಗರ್ವಾಲ್, ಸಾಂಕ್ರಾಮಿಕ ರೋಗದ 3 ನೇ ಅಲೆಯು ಕೆಲವು ಪ್ರದೇಶಗಳಿಗೆ ಸೀಮಿತಗೊಳ್ಳಲಿದ್ದು, ಮತ್ತು ವ್ಯಾಕ್ಸಿನೇಷನ್ ನಿಂದ   ಅನೇಕ ಜನರ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದು ಹೇಳಿದರು. 

ವಿಜ್ಞಾನಿಗಳು ಮೇ ತಿಂಗಳ ಅಂತ್ಯದ ವೇಳೆಗೆ ಭಾರತವು ಪ್ರತಿದಿನ 1.5 ಲಕ್ಷ ಪ್ರಕರಣಗಳನ್ನು ವರದಿ ಮಾಡುವ ನಿರೀಕ್ಷೆಯಿದೆ ಮತ್ತು ಜುಲೈ ಅಂತ್ಯದ ವೇಳೆಗೆ ಪ್ರಕರಣಗಳು ದಿನಕ್ಕೆ 20,000  ಕ್ಕೆ ಇಳಿಯುತ್ತವೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. COVID-19 ರ ಪಥವನ್ನು ಯೋಜಿಸಲು ಸಹಾಯ ಮಾಡುವ ಗಣಿತದ ಮಾದರಿಯ SUTRA (ಸಸ್ಸೆಪ್ಟಬಲ್, ಅನ್ಟೆಕ್ಟೆಡ್, ಟೆಸ್ಟೆಡ್ (ಪಾಸಿಟಿವ್) ಮತ್ತು ರಿಮೂವ್ಡ್ ಅಪ್ರೋಚ್) ಮಾದರಿಯನ್ನು ಆಧರಿಸಿದೆ.

ಗುರುವಾರ, ಸೂತ್ರ ಮಾದರಿಯಲ್ಲಿ ತೊಡಗಿಸಿಕೊಂಡಿರುವ ವಿಜ್ಞಾನಿ ಎಂ ವಿದ್ಯಾಸಾಗರ್, ಕರೋನವೈರಸ್ ವಿರುದ್ಧದ ವ್ಯಾಕ್ಸಿನೇಷನ್ ಡ್ರೈವ್ ಅನ್ನು ಹೆಚ್ಚಿಸದಿದ್ದರೆ ಮತ್ತು COVID-19 ಸೂಕ್ತ ನಡವಳಿಕೆಯನ್ನು ಕಾಪಾಡಿಕೊಳ್ಳದಿದ್ದರೆ, 6- ರಲ್ಲಿ ಸಾಂಕ್ರಾಮಿಕ ರೋಗದ ಮೂರನೇ ಅಲೆ ಉಂಟಾಗುವ ಸಾಧ್ಯತೆಯಿದೆ ಎಂದು ಹೇಳಿದರು.   

ವೈರಸ್ ಮತ್ತಷ್ಟು ರೂಪಾಂತರಗೊಳ್ಳುತ್ತಿದ್ದಂತೆ, COVID ಮೂರನೇ ಅಲೆ ಅನಿವಾರ್ಯವಾಗಿದೆ ಮತ್ತು ಹೊಸ ಅಲೆಗಳನ್ನು ಎದುರಿಸಲು ಸಿದ್ಧವಾಗುವುದು ಅವಶ್ಯಕ ಎಂದು ಪ್ರಧಾನ ವೈಜ್ಞಾನಿಕ ಸಲಹೆಗಾರ ಕೆ ವಿಜಯರಾಘವನ್ ಮೇ 5 ರಂದು ಹೇಳಿದ್ದಾರೆ. ರಾಜ್ಯ, ಜಿಲ್ಲಾ ಮತ್ತು ನಗರ ಮಟ್ಟದಲ್ಲಿ ಬಲವಾದ ಕ್ರಮಗಳನ್ನು ತೆಗೆದುಕೊಂಡು ಪರಿಣಾಮಕಾರಿಯಾಗಿ ಜಾರಿಗೊಳಿಸಿದರೆ ದೇಶದಲ್ಲಿಕರೋನವೈರಸ್  ಮೂರನೇ ಅಲೆ ಇರಬಾರದು ಎಂದು ಹೇಳಿದರು.